Корманди ситоди Кумитаи ҳолатҳои фавқулода ва мудофиаи гражданӣ (КҲФ ва МГ)-и Тоҷикистон дар вилояти Суғд Александр Курков чанде қабл дар минтақаи истироҳати осоишгоҳи «Лангар» чор нафарро аз обанбори Қайроқкум берун овард.
Тавре ба «Азия-Плюс» сухангӯи КҲФ ва МГ Тоҷикистон Орфи Нозимов хабар дод, Александр Курков тахминаи соатҳои 15-и рӯз се нафар сокинони шаҳри Хуҷанд – Малика Хоҷаеваи 14-сола, Насиба Хоҷаеваи 16-сола ва Нигина Ҳасанаоваи 16-соларо аз ғарқшавӣ дар обанбор наҷот додааст.
«Ҳанӯз субҳ корманди ситоди Кумита сокини 16-солаи шаҳри Истаравшан Хайриддин Миркомиловро низ аз ғарқшавӣ дар ин обанбор наҷот дода буд», – таъкид дошт Нозимов.
