Дар рӯзномаи ҷаласаи навбатии иҷлосияи шашуми Маҷлиси намояндагони Маҷлиси Олии Тоҷикистон даъвати чорум, ки имрӯз, 3-юми декабр дар шаҳри Душанбе доир мегардад, баррасии ҳафт масъала дар назар аст.
Тавре котиби матбуотии палатаи поёнии парлумон Муҳаммадато Султонов хабар дод, дар ҷаласа лоиҳаи қонун «Дар бораи хизмати дипломатӣ», ҳамчунин масоили вобаста ба ворид намудани тағйироту иловаҳо ба қонунҳои ҶТ «Дар бораи ҳуқуқи муаллиф ва ҳуқуқҳои вобаста ба он», «Дар бораи низоми иҷозатдиҳӣ», тағйирот ба Кодекси мурофиавии граждании Тоҷикистон» баррасӣ мешаванд.
«Ғайр аз ин, Созишномаи грантӣ оид ба кӯмаки техникӣ байни Тоҷикистон ва Бонки исломии рушд вобаста ба дастгирии Лоиҳаи «Пешгирии гузаштани ВИЧ/СПИД аз модар ба кӯдак дар Тоҷикистон» ба тасдиқи парлумон пешниҳод мешавад, – гуфт ӯ.
