Раиси шаҳри Душанбе Маҳмадсаид Убайдуллоев имрӯз ҷаласаи фаврии Маҷлиси вакилони халқи пойтахтро баргузор намуд.
Тавре котиби матбуотии раиси шаҳри Душанбе Шавкат Саидов хабар дод, дар иҷлосия оид ба таъсиси 70 ҳавзаи интихоботӣ дар қаламрави шаҳр барои интихоботи вакилон ба Маҷлиси вакилони халқи пойтахт қарор қабул шуд.
Ба гуфтаи ӯ, ҳамчунин комиссияи шаҳрӣ оид ба интихоботи вакилони маҷлиси пойтахт таъсис дода шуд, ки намояндагони тамоми аҳзоби сиёсии ҷумҳурӣ ба ҳайати он шомил гардиданд. «Раҳбарии комиссияи интихоботии пойтахт ба дӯши собиқ муовини раиси шаҳри Душанбе Санавбар Раҳимова вогузор гардид», – қайд кард Саидов.
