Дар конфронси пешазинтихоботии бахшҳои Ҳизби наҳзати исломии Тоҷикистон дар ноҳияҳои Қумсангир, Румӣ, Панҷ ва Ҷиликӯли вилояти Хатлон сухангӯи ҳизб Маҳмудҷон Файзраҳмон якдилона номзад ба вакилӣ дар палатаи поёнии парлумон пешбарӣ шуд.
Бино ба иттилои сомонаи расмии ҲНИТ, конфронс дар манзили истиқоматии яке аз фаъолони ҳизб доир гардида, дар он аз 55 нафар вакили даъватшуда 50 нафар ширкат варзиданд.
Гуфта мешавад, аксари мутлақи вакилони конфронс, номзадии Маҳмудҷони Файзраҳмонро ҷонибдорӣ намуда, аз комиссияи ҳавзавии интихоботии №33 хоҳиш намуданд, ки номбурдаро ба ҳайси номзад ба вакили Маҷлиси Намояндагон сабти ном намоянд.
Зимнан зикр мегардад, ки дар кори конфронс намоянда аз мақомоти маҳаллӣ, комиссияи ҳавзавии интихоботӣ ва аҳзоби сиёсӣ низ ширкат варзидаанд.
Ёдрас мекунем, ки ҳукуматдорони ноҳияи Қумсангир ба баргузории конфронси мазкур, ки бояд дар толори Тоҷикматлубот-и ноҳияи Қумсангир доир мегардид,
монеъа эҷод сохта буданд.
