Ҳайати дарозмуҳлати нозирони Иттиҳоди Давлатҳои мустақил (ИДМ) таҳти сарварии раиси Кумитаи иҷроияи ИДМ Сергей Лебедев ҷиҳати назорату мушоҳидаи омодагӣ ва баргузории интихоботи парлумонӣ дар Тоҷикистон аввали моҳи феврал ба Душанбе меоянд.
Бино ба маълумоти КМИР Тоҷикистон аз кишварҳои узви ИДМ дар маҷмӯъ иштироки беш аз 100 нафар нозирон дар интихоботи парлумонии Тоҷикистон дар назар буда, гурӯҳи асосии нозирони ИДМ каме пештар аз баргузории интихобот, рӯзҳои 26-27-уми феврал ба Тоҷикистон ташриф меоранд.
