Сафири Тоҷикистон дар Олмон Маликшо Неъматов бо Директори иҷроияи Кумитаи Шарқи Иқтисоди Олмон (Ostausschuss der Deutschen Wirtschaft) доктор Райнер Линднер мулоқот кард.
Бино ба иттилои Вазорати корҳои хориҷии ҶТ, зимни сӯҳбат ҷалби сармояи олмонӣ ба иқтисоди Тоҷикистон ва дурнамои ҳамкориҳои иқтисодӣ ва тиҷоратӣ миёни ду кишвар баррасӣ карда шудаанд.
Қобили зикр аст, ки Кумитаи Шарқи Иқтисоди Олмон муассисаи муштараки муҳимтарин иттиҳодияҳои иқтисоди Олмон ба шумор рафта, ҳадафи асосии он ҷонибдории ташаббусҳои соҳибкорони олмонӣ дар Аврупои Шарқӣ, аз ҷумла Осиёи Марказӣ ба ҳисоб меравад.
