Рӯзи 26 феврали 2015 муовини вазири корҳои хориҷии Миср Ҳишом Бадр сафири Тоҷикистон дар Қоҳира Хусрав Нозириро ба ҳузур пазируфт.
Бино ба иттилои сафоратхонаи Тоҷикистон дар Миср, дар вохӯрӣ масъалаҳои бисёрҷониба ва амнияти байналмилалӣ, аз ҷумла густариши ҳамкории ду кишвар дар чаҳорчӯби созмонҳои байналмилалӣ, аз ҷумла Созмони Милали Муттаҳид мавриди баррасӣ қарор гирифтанд.
Гуфта мешавад, дар ин замина таъкид гардид, ки ҷониби мисрӣ ният дорад, ки дар Конфронси сатҳи баланди байналмилалӣ роҷеъ ба татбиқи Даҳсолаи байналмилалии амал “Об барои ҳаёт”, солҳои 2005-2015, ки дар Душанбе 9-11 июни 2015 баргузор мешавад, фаъолона иштирок кунад.
