Ба рӯзномаи ҷаласаи Шӯрои палатаи поёнии парлумони ҷумҳурӣ масъалаи баррасии Созишнома дар шакли табодули нотаҳо миёни ҳукумати Тоҷикистон ва Дафтари Созмони амнияту ҳамкорӣ дар Аврупо (САҲА) дар ҶТ оид ба масъалаи аз ҷониби шаҳрвандони тоҷикистонии машғули кор дар Дафтари САҲА пардохт шудани андоз аз даромад ворид карда шуд.
Тавре ба «Азия-Плюс» як манбаъ аз Маҷлиси намояндагони Маҷлиси Олии ҶТ дар ин робита хабар дод, баъди ҷаласаи Шӯро созишномаи мазкур аз ҷониби кумита ва комиссияҳои дахлдори палатаи поёнии парлумон омӯхта шуда, сипас барои тасдиқ пешниҳод мешавад.
Зимнан зикр гардид, ки имрӯз дар ҷаласаи Шӯрои палатаи поёнии парлумон ҳамчунин масъалаи ворид намудани тағйироту илова ба қонуни Тоҷикистон «Дар бораи фаъолияти ихтиёрӣ (волонтёрӣ)» низ баррасӣ мешавад.
