Вазири корҳои хориҷии Тоҷикистон Сироҷидин Аслов сафири Ҷумҳурии Беларус Олга Гаврукро бинобар ба итмом расидани фаъолияташ дар Ҷумҳурии Тоҷикистон ба ҳузур пазируфта, зимни сӯҳбат ҷонибҳо сатҳи баланди робитаҳои дуҷонибаи кишварҳои дӯстро таъкид намуданд.
Бино ба маълумоти Вазорати корҳои хориҷии ҶТ, вазир ба фаъолияти О.Гаврук ба ҳайси нахустин сарвари намояндагии дипломати Беларус дар Душанбе баҳои баланд дода, дар корҳои ояндааш бурдбориҳо таманно кард.
Гуфта мешавад, дар навбати худ сафир ба сарвари идораи сиёсати хориҷии Ҷумҳурии Тоҷикистон барои дастгирии ҳамаҷонибаи фаъолияташ изҳори сипос намуд.
