Роҳбари комиссияи ҳукумат оид ба бартараф кардани оқибатҳои заминларза дар ВМКБ, муовини нахуствазири ҷумҳурӣ Азим Иброҳим рӯзи 16 декабр бо аҳолии деҳаҳои Батчор, Морҷ, Оқмаҳмад ва Роҳи нави ноҳияи Шуғнон мулоқот кард.
Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, бо хулоса аз ин вохӯрӣ А.Иброҳим ба раҳбарияти ноҳия дастур додааст, ки рӯйхати дақиқи оилаҳои осебдида аз заминларза тартиб дода шавад, то ки ба онҳо ояндаи наздик кумаки моддӣ расонида шавад.
Ёдрас мекунем, ки дар қаламрави вилояти Бадахшон бар асари заминлраза 237 хона пурра ва 588 хона қисман вайрон шудаанд. 214 хонаи пурра ва 205 хонаи қисман зарардида ба ноҳияи Рӯшон рост меояд. Ҳамчунин иншооти зиёди иҷтимоӣ, аз ҷумла мактабу китобхона ва дигар муассисаҳо қисман зарар дидаанд.
