Имрӯз, 31 март зимни вохӯрии муовини аввали вазири рушди иқтисод ва савдои ҷумҳурӣ Саидраҳмон Назризода бо ҳайати тоҷирони ҳиндӣ вазъ ва дурнамои ҳамкориҳои дуҷонибаи бисёрсоҳавии Тоҷикистону Ҳиндустон мавриди баррасӣ карор гирифт.
Аз хадамоти матбуоти Вазорати мазкур ба «Азия-Плюс» иттилоъ доданд, ки дар мулоқот ҷонибҳо имконоти тавсеъаи ҳамкориҳо дар бахшҳои саноату кишоварзӣ, зербино, гидроэнергетика, дорусозӣ, тиҷорат, маориф ва сайёҳиро баррасӣ карда, ба масоили рушди минтақаҳои озоди иқтисодии Тоҷикистон таваҷҷуҳ зоҳир намудаанд.
Дар ҳамин ҳол, рӯзи чоршанбеи ҳамин ҳафта ҳайати Ҳиндустон бо роҳбари Кумитаи давлатии сармоягузорӣ ва идораи амоли давлатии ҶТ Қодир Қосим вохӯрда, дар мулоқот имконоти ҷалби сармояҳои Ҳиндустон ба иқтисоди Тоҷикистон баррасӣ шудаанд.
Қобили зикр аст, ки ҳайати тоҷирони Ҳиндустон санаи 27 март ба Душанбе ташриф оварда, рӯзҳои 28-29 март дар кори
Ҳамоиши
тоҷирону сҳибкорони ҳарду кишвар иштирок карданд.
