Дар қароргоҳи Созмони ҳамкории Шанхай (СҲШ) дар шаҳри Пекин Рӯзҳои фарҳанги Тоҷикистон доир гардид.
Аз номи Президенти Тоҷикистон меҳмононро вазири рушди иқтисод ва савдои ҷумҳурӣ Неъматулло Ҳикмауллозода шодбош гуфт. Ӯ қайд кард, ки «баргузории Рӯзҳои фарҳанг дар қароргоҳи СҲШ ба густариши муколамаи тамаддунҳо ва таҳкими ҳусни ҳамҷаворӣ, дӯстӣ ва ҳамкорӣ миёни халқҳои «оилаи СҲШ» мусоидат мекунад».
Муовини аввали Раиси Ҷамъиятӣ дӯстӣ бо кишварҳои хориҷии Чин Син Чи меҳмонони чорабиниро табрик намуда, изҳор дошт, ки «Чину Тоҷикистон, ки ҳамсояҳои наздику дӯст мебошанд ва ба ҳамдигар эътимоди зиёд доранд».
Дар чаҳорчӯби чорабинии мазкур намоишгоҳи асарҳои рассомони ҳарду кишвар ва консерти ҳунармандони тоҷик баргузор шуд. Рӯзҳои фарҳанги Тоҷикистон ба санаи рамзӣ – 25-солагии роҳандозии муносибатҳои дипломатӣ миёни Тоҷикистону Чин бахшида шудааст.
