Тоҷикистон аз 2 апрел як қатор иҷозатномаҳои парвоз ба Душанбе ва Хуҷандро аз минтақаҳои Русия аз 5 ширкати русиягӣ: "Уралские авиалинии", UTair, "Сибир", "Северний ветр" ва "Глобус" бозхонд мекунад, ки ба 11 хатсайри ҳавоӣ миёни кишварҳо дахл хоҳад дошт.
Дар Агентии авиатсияи граждании Тоҷикистон ба «Азия-Плюс» хабар доданд, ки ин тадбирҳои маҷбурии ҷавобӣ ба қарори Росавиатсия дар бораи манъи парвозҳои ширкатҳои тоҷикистонӣ ба Русия ба 11 самт аст.
Бино ба иттилои манбаъ, парвози ҳавопаймоҳои 5 ширкати Русия – "Уралские авиалинии", UTair, "Сибир", "Северний ветр" ва "Глобус" тариқи 11 хатсайр аз Русия ба шаҳрҳои Тоҷикистон манъ мешавад.
Рӯзи 3 апрел ҳайати Тоҷикистон ба Маскав раҳсипор мешавад, то ки бо мақомоти авиатсионии Русия ҷиҳати ҳалли мушкилоти бамиёномада гуфтушунид гузаронад. Ба ҷуз намояндагони мақомоти авиатсионӣ, ба ин ҳайат ҳамчунин намояндагони Вазорати корҳои хориҷӣ ва адлияи ҷумҳурӣ низ шомиланд.
Аз ҷумла, мақомоти авиатсионии Тоҷикистон иҷозатномаҳои парвозро ба Душанбе – аз Екатеринбург, Новосибирск, Иркутск, Краснодар, Красноярск, Санкт-Петербург, Самара ва ба Хуҷанд – аз Новосибирск, Санкт-Петербург, Самара ва Сургут бозхонд мекунанд.
Рӯзи 1 апрел ширкати ҳавопаймоии «Сомон Эйр» дар бораи аз 31 март манъ шудани парвози ширкатҳои ҳавопаймоии Тоҷикистон ба як қатор хатсайрҳои ба Русия изҳорот мунташир намуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
