Доллар дар Тоҷикистон ҳам гарону ҳам камёфт шуд

Ахиран дар бозори асъори Тоҷикистон доллари ИМА камёфт шуда, онро метавон дар баъзе бонкҳо ва он ҳам ба миқдори начандон зиёд ба даст овард. Аз оғози даҳаи дуюми моҳи апрел баъди босуръат беқурбшавии рублиРусия бар асари таҳримҳои ҷорикардаи ИМА қурби доллар нисбати сомонӣ қариб 1 фоиз боло рафт. Қурби расмии аз ҷониби Бонки миллии Тоҷикистон […]

Пайрав Чоршанбиев, Asia-Plus

Ахиран дар бозори асъори Тоҷикистон доллари ИМА камёфт шуда, онро метавон дар баъзе бонкҳо ва он ҳам ба миқдори начандон зиёд ба даст овард.

Аз оғози даҳаи дуюми моҳи апрел баъди босуръат беқурбшавии рублиРусия бар асари таҳримҳои ҷорикардаи ИМА қурби доллар нисбати сомонӣ қариб 1 фоиз боло рафт.

Қурби расмии аз ҷониби Бонки миллии Тоҷикистон муқарраршудаи 1 доллар нисбати сомонӣ имрӯз 8,8847 сомониро ташкил медод. Санаи 9 апрел он ба 8,8280 баробар буд.

Илова бар ин, дарёфти доллар дар бонкҳои тиҷоратӣ ахиран мушкил шудааст: дар аксари бонкҳо ба як даст танҳо то 200 доллар маблағ дода, дар баъзе бонкҳои дигар умуман доллар намефурӯшанд.

Дар бонкҳо мегӯянд, бо сабаби вақтҳои охир аз мизоҷон кам ворид шудани ин асъор ба бонкҳо, доллар каамёфт шудааст.

«Мо долларҳои аз мизоҷон гирифтаамонро медиҳем. Чӣ қадре, ки одамон дар мо камтар долларро ба сомонӣ иваз кунанд, ҳамин қадр мо ҳам доллар пешниҳод карда метавонем», – гуфтанд дар яке аз марказҳои бонкӣ.

Чанде аз коршиносон дар ин робита изҳор намуданд, ки муҳоҷирони корӣ аз Русия ба ватан асосан рубл ва ба миқдори начандон зиёд доллар мефиристанд, вале аз соли 2016ҳамаи бонкҳо маблағҳои бо рубли русӣ воридшударо бо сомонӣ медиҳанд.

«Яъне ҳамаи рублҳои воридшуда дар бонкҳои кишвар ҷамъ шуда, минбаъд ба ивази доллар ба бонкҳои Русия баргардонида мешаванд. Ҳамин тариқ, чӣ қадре, ки қурби рубл нисбати доллар камтар бошад, ҳамин қадр бонкҳои Тоҷикистон камтар доллар ба даст оварда метавонанд», – мегӯяд иқтисодчӣ Саид Назиров.

Шореҳи соҳаи молия Баҳром Каримов камбуди доллар дар Тоҷикистонро мавсимӣ унвон карда зикр намуд, ки дар ин давра норасоии доллар эҳсос мешавад, зеро он ба кишвар асосан аз ҳисоби муҳоҷирати корӣ ворид шуда, афзоиши ҳаҷми интиқоли пул аз ҷониби муҳоҷирон маъмулан нимаи дуюми сол оғоз мегардад.

Ғайр аз ин, изҳор намуд номбурда, ба Тоҷикистон баҳору тобистон бештар молу маҳсулот ворид шуда, ҳаҷми содирот, ки боз яке аз сарчашмаи дарёфти асъор аст, охири тобистон ба зиёдшавӣ шурӯъ мекунад.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.

Мавод ба ин забонҳо дастрас аст:

Маводҳои монанд

Оби зулол

Пурхонанда

Ба мо дар шабакаҳои иҷтимоӣ пайвандед!

Ахбори тоза

Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 19 апрели соли 2026

Аз зодрӯзи Зайнулобиддин Кобуливу Шокирҷон Ҳакимов то даргузашти Ғуломҳайдар Ғуломалиев ва Рӯзи гули бойчечак

Сафар ба Ӯзбекистон бо шиносномаи дохилӣ имконпазир мешавад

Ҳамчунин, шаҳрвандони Ӯзбекистон ҳам имкон пайдо мекунанд бо шиносномаи дохилӣ ба Тоҷикистон оянд.

Аз “Аҷинатеппа” то “Манораи Варз”. Ёдгориҳои таърихии беш аз ҳазорсолаи Тоҷикистон

Дар Рӯзи байналмилалии ёдгориҳо ва мавзеъҳои таърихӣ дар бораи чанд мавзеи таърихӣ маълумот гирд овардем.

Чанд қоидаи муҳим барои муҳоҷироне, ки мехоҳанд кӯдаконашонро бо худ ба Русия баранд

Дар сурати риоя накардани тартиби нав, барои таҳсили фарзандон мушкил пеш меояд.

Бозгушоии тангаи Ҳурмуз ва изҳори сипоси Доналд Трамп аз Эрон

Танга ҳоло танҳо барои киштиҳои тиҷорӣ боз шудааст ва раисҷумҳури Амрико ҳам гуфт, “муҳосираи Эрон” то созиши сулҳ идома мекунад.

Тоҷикистон мехоҳад дар соли 2030 пешсафи сайёҳии экологӣ бошад. Аммо чӣ метавонад пешниҳод кунад?

Ба ҷумҳурӣ барои бунёди иншооти сайёҳии аз лиҳози экологӣ тоза ва беҳбуди зерсохтор сармоягузорӣ ҷалб мешавад.