Овозхони шинохтаи эстрадаи тоҷик Шабнами Сурайё дар фестивали анъанавии байнулмилалии кушоди «Бойсун баҳори», ки рӯзҳои 28-29 апрел дар ноҳияи Бойсуни Ӯзбекистон доир мегардад, ҳунарнамоӣ мекунад. Дар ин бора ба «Азия-Плюс» як манбаъ аз Вазорати фарҳанги Тоҷикистон хабар дод.
Дар ин ҷашнвора ҳамчунин театр-студияи «Падида» таҳти сарварии Ҳунарманди шоистаи ҷумҳурӣ Шарофат Рашидова ва ансамбли рақсии «Лола» аз Тоҷикистон низ иштирок мекунанд.
Раҳбарияти вилояти Сурхандарёи Ӯзбекистон ба ин фестивал ҳамчунин роҳбарони вилояти Хатлон, ноҳияҳои Шаҳритӯс, Шаҳринав, шаҳрҳои Ҳисор ва Турсунзодаро низ даъват кардааст.
Дар фестивали «Бойсун баҳори» ҷониби мизбон – Ӯзбекистонро гурӯҳҳои фолклорӣ, ҳофизон, бахши-оқинҳо, олимони фолклоршинос аз Тошканд, Ҷумҳурии Қароқалпоқистон ва ҳамаи вилоятҳои Ӯзбекистон намояндагӣ мекунанд.
Қобили зикр аст, ки соли 2001 ЮНЕСКО дар қатори 19 минтақаҳои дигаи ҷаҳон Фазои фарҳангии ноҳияи Бойсунро ба феҳристи «Шоҳкориҳои мероси шифоҳӣ ва ғайримоддии инсоният» шомил кард.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
