Дар ҷазираи Василевски шаҳри Санкт-Петербург байни муҳоҷирон аз Осиёи Марказӣ муноқишаву занозании дастҷамъона рух дод, хабар медиҳад нашрияи “Фонтанка”.
“Чанде пеш шоҳидон рӯзона ба мақомоти пулис занг зада, дар бораи ҷангҷоли оммавӣ хабар доданд. Ба гуфтаи онҳо, яке аз муҳоҷирон аз табар истифода бурда, рақиби худро захмӣ кардааст”, – қайд мешавад дар маълумот.
Гуфта мешавад, як ҷабрдидаи 26-сола, зодаи кишвари Осиёи Марказӣ бо захм аз сараш дар бемористон бистарӣ шудааст. Ба гумони даст доштан дар расонидани осеби ҷисмонӣ кормандони пулис муҳоҷири 47-соларо боздошт намудаанд, ки ҳамдиёри ҷабрдида будааст.
Дар маълумоти нашрия аз кадом давлати минтақаи Осиёи Марказӣ будани шаҳрвандони дар муноқиаша иштирокдошта зикр намешавад.
Дар ҳамин ҳол, бино ба маълумоти Конкретно.ру, дар бемористон шаҳрванди 26-солаи Тоҷикистон бистарӣ шудааст. “Саркардаи эҳтимолии занонзанӣ, ҳамдиёри 36-солаи ҷабрдида аз ҷониби пулис дастгир шуд. Гумонбари дуюм дар автомашинаи Kia Rio аз ҷойи ҳодиса ғайб зада, рақами давлатии автомашина сабт шудааст. Макони ҳузури гумонбаршуда муқаррар карда мешавад”, – қайд мекунад нашрия.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
