Бар асари бархӯрди нақлиёт дар роҳи автомобилгарди “Душанбе – Хуҷанд” як сокини ноҳия Ёвон ба ҳалокат расид, шаҳрванди Ӯзбекистон маҷруҳ шудааст.
Бино ба иттилои хадамоти матбуоти ВКД ҶТ, садамаи нақлиётӣ шоми 9-уми октябр дар ҳудуди ноҳияи Варзоб рух додааст. Ронандаи автомошинаи тамғаи “Лексус-470” Илҳомҷон Иброҳимов аз уҳдаи идораи нақлиёт набаромада, дар канори роҳ чаппа гардидааст.
Дар натиҷа мусофир Асад Маҳмудов, соли таваллудаш 1961, сокини ноҳияи Ёвон ҷароҳати вазнини ҷисмонӣ бардошта, дар роҳ ба сӯйи беморхона ба ҳалокат расидааст.
Мусофири дигари автомашинаи мазкур шаҳрванди Ҷумҳурии Ӯзбекистон Рафторбек Ҷумъаеви 19-сола ҷароҳати ҷисмонӣ бардошта, дар беморхона бистарӣ шудааст.
Аз рӯйи ин ҳодиса тафтишот идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
