Дар ҷаласаи Кумитаи муштараки идораҳои геологии Ӯзбекистону Тоҷикистон дар шаҳри Самарқанд дар бораи баргузории корҳои муштараки илмию тадқиқотӣ дар минтақаҳои наздисарҳадӣ тавофуқ ҳосил шуд.
Тавре дафтари матбуоти Саридораи геологияи назди ҳукумати Тоҷикистон хабар медиҳад, зимни вохӯрӣ Саридораи геологияи Тоҷикистон оид ба рафти рақамикунонии харитаҳои М1:200 000, коркард ва ҷамъоварии маълумот аз тарафи Маркази равандҳои экзогенӣ-геологӣ иттилоъ дода, дар ҷамъбаст самтҳои ҳамкорӣ муайян ва он дар Протоколи кумитаи якҷоя дарҷ шуд.
Дар ин вохӯрӣ Саридораи геологияи назди ҳукумати Тоҷикистонро муовини сардор Алимаҳмуд Ализода ва Кумитаи давлатии Ӯзбекистон оид ба геология ва захираҳои минералиро сардори саридораи рушд ва афзоиши базаи ашёи минералӣ Асрор Рустамов намояндагӣ карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
