Дар қаламрави корхонаи “Давр-2015” воқеъ дар кӯчаи Ҷаббор Расулови шаҳри Душанбе нимаи рӯзи 14-уми март таркиш ба амал омад.
Бино ба маълумоти маркази матбуоти ВКД Тоҷикистон, дар натиҷаи санҷиш муайян шудааст, ки аз беэҳтиётии сокини 24-солаи деҳаи Қаратоғи шаҳри Турсунзода Шаҳбоз Раҳимов ҳангоми гузаронидани корҳои таъмирӣ буридаи қишри оҳан бо ҷисми омехтаи кислород расида, таркиш ба амал меояд.
Гуфта мешавад, дар натиҷаи таркиш Раҳимов дар ҷойи ҳодиса ба ҳалокат расида, 3 нафари дигар бо ҷароҳатҳои ҷисмонӣ дар беморхона бистарӣ карда шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
