Нақшаи даъвати баҳорӣ ба хизмати ҳатмии ҳарбӣ дар сафи Қувваҳои мусаллаҳи Тоҷикистон ба андозаи 90% иҷро шуд.
Дар ду рӯзи аввали оғози маъракаи даъват комиссариатҳои ҳарбии ВМКБ, шаҳри Душанбе ва чанде аз ноҳияҳои вилояти Хатлон нақшаро 100% иҷро карданд.
Тавре сардори маркази матбуоти Вазорати мудофиаи ҶТ Ориф Нозимиён хабар дод, ба сурати умум, иҷрои нақшаи даъват дар вилояти Хатлон ва ноҳияҳои тобеи марказ 80% ва дар вилояти Суғд 70%-ро ташкил медиҳад.
Нозимиён қайд кард, ки баъд аз ду моҳ наваскарон савганд ёд карда, айни замон дар қисмҳои низомии барои хизмат таъиншудаашон давраи таълимии зарурӣ мегузаранд.
Қобили зикр аст, ки маъракаи даъвати баҳорӣ ба хизмати ҳарбӣ дар Тоҷикистон 1-уми апрел оғоз шуда, 31-уми май ба анҷом мерасад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
