То субҳи 28 сентябр шумори умумии сироятёфтагон аз коронавирус дар Тоҷикистон ба 9 ҳазору 646 нафар расид.
Бино ба иттилои Вазорати тандурустии ҷумҳурӣ, рӯзҳои истироҳат 84 ҳолати нави сироятёбӣ аз COVID-19 ба қайд гирифта шудааст.
Гуфта мешавад, давоми ин рӯзҳо боз як ҳолати фавт аз ин беморӣ сабт шуда, шумори умумии фавтидагон аз оғози пандемия 75 касро ташкил медиҳад.
Ҳамзамон рӯзҳои истироҳати гузашта дар мамлакат 89 нафар аз ин беморӣ шифо ёфта, теъдоди умумии шифоёфтагон ба 8 ҳазор 430 нафар (87,4%) расид.
Қобили зикр аст, ки дар пойтахти Русия – шаҳри Маскав ва чанде аз кишварҳои Аврупо, аз ҷумла Британияи Кабир, Фаронса, Испания ва дигар давлатҳо бинобар сабаби зиёдшавии ҳодисаҳои сироятёбӣ ба дубора роҳандозии чораҳои маҳдудкунӣ бармегарданд.
Тибқи маълумоти Донишгоҳи Хопкинс, то субҳи 28 сентябр шумори умумии сироятёфтагон аз коронавирус дар саросари дунё 32 млн 994 ҳазору 213 нафарро ташкил дода, 996 ҳазору 682 кас бар асари ин беморӣ фавтиданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
