Кормандони милитсияи ноҳияи Ёвон як марди сокини маҳаллиро ба гумони даст доштан дар қатли ҳамсараш боздошт намуданд. Се нафар кӯдакон бе модар монданд.
Бино ба иттилои ВКД Тоҷикистон, ин ҳодисаи куштор рӯзи 27 ноябр дар деҳаи Норини ноҳияи Ёвон рух додааст.
“Модари 3 фарзанд Бибихол Бобоҷонова 32-соларо шавҳараш Урозбек Қарақулов дар манзили истиқоматияшон дар пайи муноқишаи оилавӣ ва рашки беасос бо корди хоҷагӣ бо як бераҳмии махсус чанд маротиба ба узвҳои муҳими баданаш мезанад, ки ҷабрдида аз ҷароҳатҳои вазнини ҷисмонии бардоштааш дар ҷои ҳодиса ба ҳалокат мерасад”, – омадааст дар хабари ВКД.
Гуфта мешавад, айни замон Қарақулов боздошт ва нисбат ба ӯ мутобиқи моддаи 104-и КҶ ҶТ (Одамкушӣ) парвандаи ҷиноятӣ боз шуда, тафтишот идома дорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
