То субҳи 11 январ шумори умумии сироятёфтагон аз коронавирус дар Тоҷикистон ба 13 ҳазору 308 нафар расид.
Тавре Вазорати тандурустӣ ва ҳифзи иҷтимоии аҳолии ҶТ хабар медиҳад, давоми ду рӯзи истироҳати гузашта дар ҷумҳурӣ 3 ҳодисаи нави ин беморӣ ошкор шудааст.
Гуфта мешавад, шумори фавтидагон аз ин беморӣ аз оғози пандемия 90 нафар боқӣ мемонад.
Ба иттилои манбаъ, шумори шифоёфтагон дар ин давра 24 кас афзуда, акнун теъдоди умумии онҳо 13 ҳазору 215 нафар ё худ 99,3%-ро ташкил медиҳад. Фарқият байни сироятёфтагон ва шифорёфтагон 93 кас аст.
Аввали моҳи январ вазири тандурустии Тоҷикистон Ҷамолиддин Абдуллозода изҳор дошт, ки охирин гирифторони бемори COVID-19, ки дар беморхонаҳо табобат мегирифтанд, пас аз шифо ёфтан ба хонаҳояшон рухсат дода шуданд. Дар ин маводи мо бо назари табибоне, ки бевосита ба муолиҷаи беморони аз коронавирус сироятёфта машғуланд, шинос шуда метавонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
