Шаби гузашта ба Тоҷикистон ҳудуди 3 млн воя (доза) ваксинаи зидди коронавирус оварда шуд.
Ин миқдор воя вакинаҳои зидди COVID-19 дар доираи татбиқи механизми COVAX ба Тоҷикистон ворид карда шуданд.
Тавре ки Вазорати тандурустии ҷумҳурӣ хабар медиҳад, шаби сипаришуда ба Тоҷикистон 2 млну 962 ҳазору 800 воя ваксинаи “CoronaVac”-и истеҳсоли Чин ворид гардид.
Ба ин тариқ, дар доираи механизми зикршуда ва ба сифати кумаки башардӯстона ба Тоҷикистон зиёда аз 8 млн воя ваксинаи зидди коронавирус ворид карда шудааст.
Дар ҳамин ҳол, тибиқи иттилои манбаъ, аз шумораи умумии мақсадноки аҳолӣ, ки бояд бар зидди бемории сироятии COVID-19 ваксина бигиранд, то ба ҳолати 21 декабри соли равон дар Тоҷикистон 3 млн 648 ҳазору 917 нафар (62%) бар зидди сирояти мазкур ваксина гирифтаанд. Инчунин, то ин дам 2 млн 891 ҳазору 471 нафар (49,1%) шаҳрвандони кишвар бо вояи дуюми ваксина эм шудаанд.
Дар Тоҷикистон аз ваксинаи аврупоии Astrazeneca-и истеҳсоли Ҳиндустон, CoronaVac аз Чин, Moderna ва Pfizer-м амрикоӣ, инчунин «Спутником V»-и Русия эм гирифтан имконпазир аст.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
