Дар Фурудгоҳи байналмилалии Душанбе Иброҳим Раисиро раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ва дигар шахсони расмӣ пешвоз гирифтанд. Дар ин бора АМИТ “Ховар” хабар медиҳад.
Дар доираи ин сафар мулоқоту музокироти сатҳи баланди давлатӣ байни Тоҷикистон ва Эрон пешбинӣ гардида, доираи васеи ҳамкории дуҷониба баррасӣ мешавад. Дар назар аст, ки пас аз мулоқоту музокироти сатҳи баланд байни Тоҷикистон ва Эрон якчанд санади нави ҳамкорӣ ба имзо расонида мешаванд.
Ҳамчунин, тибқи барномаи сафар, Иброҳим Раисӣ бо Маҳмадтоир Зокирзода мулоқот намуда, дар анҷумани соҳибкорони Тоҷикистон ва Эрон иштирок менамояд.
