Аз 1 то 3-юми октябри соли 2024 дар шаҳри Истаравшан нахустин Фестивали байналмилалии ҳунармандӣ бо номи "Озар" баргузор мегардад. Дар ин фестивал 20 аъзои Раёсати Шӯрои умумиҷаҳонии ҳунармандӣ, зиёда за 40 ҳунарманд аз кишварҳои узви Шӯро ва 80 ҳунарманд аз шаҳри Истаравшан ва шаҳру ноҳияҳои Тоҷикистон ширкат хоҳанд кард.
Хадамоти матбуотии раиси вилояти Суғд хабар медиҳад, ки дар нахустин ҷаласаи Кумитаи тадорукот оид ба ташкил ва баргузории фестивал дар шаҳри Истаравшан рамзи фестивал тасдиқ гардид.
Рамзи фестивал аз ситораи ҳашткунҷа ва унсурҳои ҳунарҳои бостонии Истаравшан иборат аст.
Дар доираи фестивал баргузории намоиши маҳсулоти ҳунармандони кишварҳои узви Шӯрои умумиҷаҳонии ҳунармандӣ, косибону устоҳои шаҳри Истаравшан ва дигар шаҳру ноҳияҳои кишвар дар назар аст.
Ҳамчунин, ба шаҳри Истаравшан шаҳодатномаи “Шаҳри ҷаҳонии ҳунармандӣ” супорида мешавад.
Ин аввалин шаҳр дар Тоҷикистон аст, ки соҳиби шаҳодатномаи “Шаҳри ҷаҳонии ҳунармандӣ” –и Шӯрои умумиҷаҳонии ҳунармандон мешавад.
