Дар пойтахти кишвар аввалин микроавтобусҳо ё худ маршруткаҳои барқӣ ба равуо оғоз намуданд. Нахустин чунин микроавтобусҳо ҳоло дар хатсайри №8 ҳаракат мекунанд.
Микроавтобусҳои Foton Toano метавонад 17 мусофир ва ронандаро ҷойгир кунад. Нақлиёти замонавӣ ва бароҳат дорои курсиҳои эргономикӣ, бағоҷи васеъ, тарҳи муосир ва сатҳи баланди бехатарӣ мебошад. Бо кондитсионер, чанбарак (рул)-и бисёрфунксионалӣ ва системаи мултимедиявӣ муҷаҳҳаз шудааст.
Foton Toano бо батареяи 80-киловатта муҷаҳҳаз аст ва метавонад бо як заряд тақрибан 350 километрро тай кунад. Яъне як пуркунии заряд кифоя аст, ки микроавтобус чанд рӯзи пурра ба мусофирон хизмат расонад.
Электроникунонии нақлиёт дар Душанбе дар чаҳорчӯби сиёсати ҳукумати пойтахт ҷараён дорад. То моҳи сентябри соли оянда пойтахт бояд комилан ба таксиҳои барқӣ гузарад. Автобусҳои мусофирбар низ ба электрикӣ иваз карда мешаванд. Муфассалтар дар гузориши видеоии мо.
