Дар зарфи 9 моҳи соли 2025 ба Тоҷикистон 1,46 млн тонна сӯзишворӣ ва маҳсулоти нафтӣ ба маблағи зиёда аз 1 млрд доллар ворид карда шуд.
Бино ба маълумоти Хадамоти гумрук, соли 2024 ба Тоҷикистон ба маблағи 2 млрд доллар 1,2 млн тонна маҳсулоти нафтӣ оварда шуда буд.
Қаблан хабаргузории Reuters иттилоъ дода буд, ки Душанбе аз Маскав дархост намудааст, ки квота барои интиқоли сӯзишвориии дизелиро бидуни боҷи содиротӣ ба андозаи 100 ҳазор тона – то 510 ҳазор тонна зиёд кунад. Ин барои сохтмони НБО “Роғун” дар шарқи кишвар зарур аст.
Дар Вазорати энергетика ва зихароҳои оби Тоҷикистон зикр карданд, ки Русия “бо ҳусни тафоҳум ба дархости Душанбе муносибат кард”. Ба нақша гирифта шудааст, ки тавозуни индикативии интиқоли маҳсулоти нафтӣ байни кишварҳо моҳи оянда дар назар буда, дар соли 2025 ҳаҷми умумии он 1,07 млн тоннаро ташкил медиҳад.
Бино ба маълумоти моҳҳои январ-сентябри соли 2025, аз Русия ба Тоҷикистон 443,3 ҳазор тонна сӯзишвории дизелӣ, 361,3 ҳазор тонна бензин, 60,2 ҳазор тонна керосин ва 275,5 ҳазор тонна гази моеъ ворид карда шудааст.
Тоҷикистон узви Иттиҳоди иқтисодии Авруосиё (ЕАЭС) нест, аз ин рӯ, ширкатҳои Русия зимни интиқоли сӯзишворӣ бояд боҷи содиротӣ пардохт кунанд. Аммо ҳукумати ду кишвар ҳар сол ҳаҷми сӯзишвории тибқи квота воридшавандаро мувофиқа мекунанд.
Қобили зикр аст, ки моҳи октябри соли равон камбуди сӯзишвории дизелӣ ва бензин дар кишҳвар расман ба қайд гирифта нашудааст.
