Вазорати корҳои дохилӣ аз боздошти як чӯпон дар ноҳияи Рӯдакӣ хабар дод, ки ба куштори корфармои худ бо истифода аз силоҳи шикорӣ гумонбар мешавад. Ин ниҳод рӯзи 14-уми май аз боздоштшуда Юсуфбек Исамурадов, сокини 23-солаи ҷамоати Эсанбойи ноҳияи мазкур ёд кард.
Ба гуфтаи манбаъ, ин ҷавон дар пайи як муноқиша, Илҳомҷон Раҳмонов, сокини 35-солаи ноҳияи Фирдавсиро “бо силоҳи шикории суфтамил” паррондааст.
Ҷабрдида, ба иттилои Вазорат, корфармои чӯпон будааст ва муноқишаи онҳо дар “заминаи пардохти музди кор” рух додааст. Ҷузъиёти дигари ин ҷанҷол маълум нест.
Вазорат илова кардааст, ки ин воқеа шоми 10-уми май дар заминҳои чарогоҳи деҳаи Эсанбой ба вуқуъ пайваста, “гумонбар барои рӯйпуш кардан”-и кирдораш ҷасади Илҳомҷон Раҳмоновро дар чарогоҳ зери хок кардааст.
Назари Юсуфбек Исамурадов дар робита ба ин қазия маълум нест.
Додситонии ноҳияи Рӯдакӣ алайҳи ӯ бо гумони одамкушӣ (моддаи 104 КҶ) парвандаи ҷиноӣ боз кардааст. Ин иттиҳом аз 8 соли зиндон то ҳабси абадро пешбинӣ мекунад.
Мақомот гуфта буданд, ки ҳодиса рӯзи 27-уми апрел рух дода, гумонбар “бо камони якмиллаи шикорӣ 2 маротиба ба самти Насимҷон Ҳоҷибоев ва 3 маротиба ба самти Шариф Султонов тир холӣ кардааст, ки номбурдагон аз ҷароҳати бардоштаашон дар ҷои ҳодиса” ҷон бохтаанд.
Далели муноқишаи онҳо низ “баҳси пулӣ” гуфта мешуд.
