Намояндагии Иттиҳоди Аврупо дар Ҷумҳурии Тоҷикистон аз қарори суди ноҳияи Фирдавсии шаҳри Душанбе нисбати рӯзномаи «Азия Плюс» ва муҳаррири он изҳори нигаронӣ намуда, боварӣ бар он дорад, ки чунин қарор метавонад ба риояи озодии васоити ахбори умуми кишвар монеъ гардад. Дар ин бора дар изҳороти расмии Наммояндагии ИА дар Тоҷикистон иттилоъ дода шуда, таъкид мегардад, ки Намояндагӣ изҳороти мазкурро бо ризогии Сарони сафоратҳои ИА дар Тоҷикистон дарҷ менамояд.
«Намояндагии ИА ҳамчунин аз мақомоти ҳокимияти Тоҷикистон даъват ба амал меоварад, ки Тоҷикистон тибқи ӯҳдадориҳои байналмилалии ба зимма гирифтаи худ озодии суханро риоя ва пешбарӣ намояд», – баён мегардад дар изҳорот.
Намояндагии Итттиҳоди Аврупо ҳамчунин омодагии ҳамешагии худ ба ҳамкорӣ бо Ҳукумати Тоҷикистон ҷиҳати пешбарии озодиҳои васоити ахбори умумро низ изҳор мекунад.
