Раиси палатаи поёнии парлумони ҷумҳурӣ Шукурҷон Зуҳуров имрӯз, 28 январ сафири Чин дар Тоҷикистон Юе Бинро ба ҳузур пазируфт.
Бино ба иттилои
сомонаи расмии
палатаи поёнии парлумон, зимни мулоқот ҷонибҳо ба масоили густариши робитаҳои байнипарлумонӣ миёни кишварҳо таваҷҷуҳи хосса зоҳир намуданд.
Зимни мулоқот зикр гардид, ки бо ташаббусу мусоидати сарони кишварҳои Тоҷикистону Чин ҳамкориҳои дуҷониба дар бахшҳои сармоягузорӣ, коммуникатсия, энергетика, амният ва нақлиёт пурсамар роҳандозӣ шудаанд.
Ҷонибҳо ҳамчунин атрофи ҷараёни амалисозии созишномаҳои ҳамкории қаблан баимзорасида дар соҳаҳои иқтисоду молия, савдо, илму фарҳанг, амният, сармоягузорӣ ва коммуникатсияву нақлиёт табодули назар намуданд.
Сафири Чин низ аз сатҳи ҳамкориҳои кишвараш бои Тоҷикистон дар тамоми соҳаҳо изҳори қаноатмандӣ намуда, ҳамзамон иброз дошт, ки Ҷумҳурии Мардумии Чин дорои зарфиятҳои бештари барқарории равобит бо оҷикистон мебошад ва ин кишвар ҳар замон омода аст, ки аз ин зарфиятҳо барои миллату мардуми Тоҷикистони дӯсту ҳамҷавор истифода намояд.
