Санаи 9 март ду бозии нимниҳоӣ барои Ҷоми ФФТ ба анҷом расида, дастаҳои бозии финалии Ҷоми Федератсияи футболи Тоҷикистон (ФФТ) муайян шуданд.
Бино ба иттилои АМИТ ФФФТ, дар вохӯрии якум дастаи “Регар ТадАЗ”бо КМВА “Помир” мусобиқа ороста, вақти асосӣ ва ним соати вақти иловагӣ мусовӣ 0 бар 0 анҷом ёфт. Дар силсилаи зарбахои 11-метра футболбозони шаҳри Турсунзода бо ҳисоби 5 бар 4 пирӯз шуданд.
Дар бозии дуюми рӯз дастаи «Хуҷанд»-и шаҳри Хуҷанд дар вохӯрӣ бо тими «Вахш»-и шаҳри Қӯрғонтеппа бо ҳисоби 4 бар 2 дастболо шуда, ба бозии финалӣ роҳ ёфт.
Бозии финалӣ барои дарёфти Ҷоми ФФТ-2016 миёни дастаҳои «Регар-ТадАз» ва «Хуҷанд» рӯзи 11-уми март (соати 18-00) дар Варзишгоҳи марказии ҷумҳуриявӣ доир мегардад. Ҳамин рӯз соати 15-00 КМВА “Помир” бо “Вахш”барои ҷои сеюм рақобат мекунанд.
