Семоҳаи аввали соли ҷорӣ ҳаҷми интиқоли маблағҳои пулӣ аз Русия ба Тоҷикистон бо рубл тариқи низоми байнулмилалии пардохти «Юнистрим» ба андозаи 19% афзуд.
Дар
маълумоти
«Юнистрим» дар ин робита зикр мегардад, ки давоми моҳҳои январ-марти соли 2016 ҳаҷми муомилот бо рубл ҳудуди 50 млрд.-ро ташкил додааст, ки нисбат ба ҳамин давраи соли гузашта 7% бештар буда, дар ин давра ҳаҷми афзоиши интиқоли маблағҳо ба хориҷи кишвар 11% афзудааст.
«Афзоиши нисбатан бештар дар ҳаҷми интиқоли маблағҳои пулӣ аз Русия бо рубл дар кишарҳои зерини ИДМ ба қайд гирифта шудааст: Қирғизистон (+45%), Қазоқистон (+30%) ва Тоҷикистон (+19%). Пешсафони самти кишварҳои хориҷи дур инҳоянд: Чехия (+300%), Туркия (+200%) ва Филиппин (+1300%)», – қайд мешавад дар маълумоти «Юнистирим».
Бино ба
маълумоти
Бонки марказии Русия, семоҳаи аввали соли равон ҳаҷми интиқоли маблағҳои пулӣ аз Русия ба кишварҳои ИДМ тариқи низомҳои пардохт дар маҷмӯъ 914 млн. доллари ИМА-ро ташкил додааст.
