Душанбе. 25-уми июл. ОИ «Азия-Плюс» – Дар бахши савдои Русия зиёда аз 34 ҳазор нафар шаҳрвандони Тоҷикистон машғули кор мебошанд. Дар ин бора бо истинод ба маълумоти Хадамоти федеролии муҳоҷирати Русия хабаргузории РИА «Новости» иттилоъ медиҳад.
Тибқи иттилои хабаргузорӣ, умуман дар бахши савдои Русия беш аз 250 ҳазор нафар шаҳрвандони хориҷӣ машғули коранд, ки зиёда аз 54 ҳазор нафарашонро – шаҳрвандони Чин, беш аз 44 ҳазор нафарашонро – шаҳрвандони Ӯзбакистон ва ҳамин миқдорро шаҳрвандони Ветнам ташкил медиҳанд.
Гуфта мешавад, дар ин бахш дар Русия ҳамчунин 12 ҳазор нафар шаҳрвандони Қирғизистон, зиёда аз 13 ҳазор нафар шаҳрвандони Украина ва беш аз 12 ҳазор нафар шаҳрвандони Озарбойҷон низ фаъолият мекунанд.
