Зимни баргузории як амалиёт дар рӯзҳои таҷлили ҷашни Наврӯз кормандони Раёсати ВКД ҶТ дар шаҳри Душанбе ба гумони даст доштан дар муомилоти ғайриқонунии маводи мухаддир сокини 47-солаи пойтахт Мансур Санаковро боздошт намуданд.
Бино ба маълумоти Вазорати корҳои дохилии ҷумҳурӣ, ҳангоми кофтукови шахсии боздоштшуда ҳудуди 16 кило маводи мухаддири ҳашиш дарёфт ва мусодира карда шудааст.
Зимнан зикр мегардад, ки аз рӯйи ин далел парвандаи ҷиноӣ боз гардида, тафтишот идома дорад.
