Имрӯз таҳти раёсати раиси палатаи поёнии парлумони ҷумҳурӣ Шукурҷон Зуҳуров ҷаласаи навбатии Шӯрои Маҷлиси намоянлагони Маҷлиси Олии Тоҷикистон доир гардид.
Тавре котиби матбуотии МНМО ҶТ Муҳаммадато Султонов хабар дод, дар ҷаласа лоиҳаҳои Қонунҳои ҶТ «Оид ба ворид намудани тағйиру иловаҳо ба Қонуни ҶТ „Дар бораи хизмати давлатӣ“, «Оид ба ворид намудани тағйиру иловаҳо ба Қонуни ҶТ «Дар бораи ӯҳдадории умумии ҳарбӣ ва хизмати ҳарбӣ“, «Дар бораи ворид намудани тағйиру илова ба Қонуни ҶТ „Дар бораи ваколатдор оид ба ҳуқуқи инсон дар Ҷумҳурии Тоҷикистон“, „Дар бораи сафари хизматии вакилони Маҷлиси намояндагони Маҷлиси Олии Ҷумҳурии Тоҷикистон ба шаҳру ноҳияҳои ҷумҳурӣ барои гузаронидани вохӯриҳо бо интихобкунандагон“ баррасӣ шуданд.
Ба гуфтаи ӯ, тамоми масъалаҳои дар ҷаласаи Шӯро баррасишуда ҷиҳати омӯзишу хулосабарорӣ ба кумитаву комиссияҳои палатаи поёнии парлумон фиристода шуданд.
«Бо қарори Шӯро аз 28-уми апрел то 4-уми май ҳамаи вакилони МНМО ҶТ бо сафарҳои хизматӣ ба минтақаҳои ҷумҳурӣ раҳсипор шуда, ба интихобкунандагон бандҳои асосии паёми президент ба парлумонро шарҳу тавзеҳ медиҳанд ва ҳамчунин назари аҳолӣ ба ҷараёни таҳияи қонунҳоро меомӯзанд», – иброз дошт Султонов.
