«Бонки Эсхата» дар ноҳияи Рудакӣ, ки барои фаъолияти бонк яке аз ноҳияҳои муҳим ба ҳисоб меравад, филиали худро боз кард.
Бино ба иттилои хадамоти матюуоти «Бонки Эсхата», моҳи декабри соли 2012 Бонки Эсхата дар ноҳияи мазкур Маркази хизматрасонии бонкиро созмон дод, ки он то ба имрӯз фаъолияти пурсамарро таҳти роҳбарии Воҳидов Абдувафо бурда истодааст.
Имрӯз МХБ сохтори худро иваз намуда, ҳамчун филиал аз қайд гузаштааст. Гуфтан ҷоиз аст, ки ин дастовард ба шарофати меҳнати софдилонаи кормандон ба даст омадааст.
Акнун кормандони филиал ҳамаи хизматрасониҳои асосии бонкиро барои осон намудани кори мизоҷон дар сатҳи баланд расонида метавонанд.
Лентаи рамзиро муовини раиси ноҳияи Рудакӣ Шӯҳрат Раҳимов ва директори филиал Абдувафо Воҳидов бурида, ба фаъолияти расмии филиал ҳусни ифтитоҳ бахшиданд. Муовини раиси ноҳия дар баромади худ ба фаъолияти филиал рушду нумӯъ ва ба кормандони он муваффақияту бурдбориҳои зиёдро таманно намуд.
Ниҳоят меҳмонони бонк аз хизмарасониҳои бонкӣ бархурдор гардиданд, ки пешниҳоди онҳо барои ҳалли масъалаҳои муҳими иҷтимоӣ, ки дар рисолати Бонки Эсхата оварда шудааст мусоидат менамояд: “Кӯмак расонидан ба рушди иқтисод тавассути дастгирии тиҷорати хурду миёна бо мақсади баланд бардоштани сатҳи зиндагии мардуми Ҷумҳурии Тоҷикистон».
Айни замон «Бонки Эсхата» дар саросари кишвар дорои 21 филиал, 79 маркази хизматрасонии бонкӣ ва 355 Нуқтаи интиқоли пулӣ аст. Дафтари асосии кории «Бонки Эсхата» дар шаҳри Хуҷанд ҷойгир аст.
