Санаи 21-уми майи соли равон дар Қасри Сафед маросими супоридани Эътимодномаи Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Фарҳод Салим ба Президенти ИМА Барак Обама барпо гардид.
Бино ба иттилои Вазорати корҳои хориҷии ҷумҳурӣ, пас аз ин маросим суҳбати кӯтоҳ бо Президенти ИМА анҷом дода шуд. Зимни мусоҳиба паём ва таманниёти Президенти Ҷумҳурии Тоҷикистон Эмомалӣ Раҳмон ба Президенти ИМА Барак Обама расонида шуд.
Гуфта мешавад, зимни мулоқот Президенти ИМА ба Президенти Ҷумҳурии Тоҷикистон барои нақши назаррас дар пайгирӣ ва ҳамкорӣ дар масъалаҳои минтақавӣ, барқарорсозӣ, таҳкими сулҳу субот ва эҳёи иқтисодии Афғонистон изҳори сипос намуд.
