Чанде қабл таҳти роҳбарии муовини вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллоев ҳайати Тоҷикистон иборат аз як қатор кормандони Хадамоти муҳоҷират ва Дастгоҳи иҷроияи Президенти Ҷумҳурии Тоҷикистон ба кишвари Филипин сафар намуданд.
Бино ба иттилои шуъбаи робита бо ҷомеаи Хадамоти муҳоҷирати Вазорати меҳнат, муҳоҷират ва шуғли аҳолии ҶТ, ҳадаф аз сафари мазкур омӯзиши таҷрибаи кишвари Филипин дар самти муҳоҷирати меҳнатӣ аст.
Ба иттилои манбаъ, сафари ҳайати мазкур дар доираи лоиҳаи Бонки ҷаҳонӣ оид ба мушкилоти муҳоҷирати меҳнатӣ сурат гирифтааст.
«Қобили қайд аст, ки Филипин яке аз кишварҳои муваффақ дар самти ба танзим даровардани муҳоҷирати меҳнатӣ дар ҷаҳон ба шумор меравад», – омадааст дар хабар.
