Ҳизби наҳзати исломии Тоҷикистон ба мақомоти маҳаллии ҳокимияти давлатии ҷумҳурӣ номзадҳояшро ба ҳайати ҳамаи ҳавзаҳои интихоботии якмандатӣ (41 ҳавза), ки санаи 8-уми декабр аз ҷониби КМИР таъсис дода шуданд, пешниҳод кард.
Сухангӯи ҲНИТ Маҳмудҷон Файзраҳмонов ба «Азия-Плюс» дар ин робита иттилоъ дод, ки рӯйхати номзадҳо аз ҲНИТ барои шомил гардидан ба ҳайати ҳавзаҳои интихоботӣ ҳамчунин ба КМИР Тоҷикистон низ пешниҳод гардидааст.
«Ситоди ҲНИТ оид ба омодагӣ ба интихобот ба бахшҳои маҳаллӣ дастур дод, ки рӯйхати номзадҳо аз ҲНИТ-ро омода намуда, ба комиссияҳои ҳавзавӣ ҷиҳати шомил кардан ба ҳайати комиссияҳои интихоботӣ пешниҳод намоянд, чунки қонуни Тоҷикистон «Дар бораи интихобот ба Маҷлиси Олии Тоҷикистон» ворид кардани намояндагони аҳзоби сиёсӣ ба ҳайати қитъаҳои интихоботиро манъ намекунад», – гуфт сухангӯи ҲНИТ.
