Сафири Тоҷикистон дар Белгия Эркинхон Раҳматуллозода рӯзи 2 март дар кохи «Брюссел» ба шоҳи Белгия Филипп Леополд Людовик Мария эътимодномаҳои худро супурд.
Бино ба маълумоти намояндагии дипломатии Тоҷикистон дар Белгия, пас аз маросими тақдими эътимодномаҳо Э.Раҳматуллозода ба шоҳи Белгия дуруди паёми самимии президенти Тоҷикистон Эмомалӣ Раҳмонро расонид.
Зимни мулоқот сафир манфиатдории кишварашро ба густариши муносибатҳо байни давлатҳо ҳам дар шакли дуҷониба ва ҳам дар доираи созмонҳои минтақавӣ ва байнулмилалӣ изҳор намуд.
Шоҳи Белгия ба вазъ дар минтақа, бахусус дар Афғонистон таваҷҷуҳ зоҳир намуда, изҳор дошт, ки кишвараш ба тавсеъаи ҳамкориҳо бо Тоҷикистон омода аст.
Ҳамчунин шоҳи Белгия аз сафир дархост кард, ки дуруду паёми самимии ӯро ба президенти Тоҷикистон Эмомалӣ Раҳмон расонад.
