Барои кормандони мақомоти ҳифзи ҳуқуқ ва сохторҳои қудратии Тоҷикистон реҷаи пурзӯри адои хизмат муқаррар шуд. Ин тадбир ба хотири таъмини амният дар маъракаи раъйпурсии умумихалқӣ оид ба ворид намудани тағйироту илова ба Конститутсияи ҷумҳурӣ (22 май) рӯйи кор гирифта мешавад.
Тавре ба «Азия-Плюс» як манбаъ аз ВКД Тоҷикистон дар ин робита иттилоъ дод, дар тамоми шаҳру навоҳии кишвар макони ҷамъшавии издиҳоми мардум ва қитъаҳои овоздиҳӣ таҳти назорату посбонӣ гирифта шудаанд.
Зимнан зикр гардид, ки реҷаи пурзӯри адои хизмати мақомоти марбута баъди эълони натиҷаҳои овоздиҳӣ дар раъйпурсӣ бекор карда мешавад.
