Соли 2019 ҳаҷми интиқоли пул аз Русия ба Тоҷикистон аз ҷониби шахсони воқеӣ 2 млрд 576 млн долларро ташкил дод. Дар ин бора Бонки марказии Русия хабар медиҳад. Дар муқоиса бо соли 2018 ҳаҷми интиқоли ин гуна маблағҳо 23 млн доллар афзудааст.
Гуфта мешавад, маблағи як интиқоли пулӣ аз Русия ба Тоҷикистон дар соли гузашта ба ҳисоби миёна ба 161 доллар баробар шудааст.
Дар ҳамин ҳол, соли гузашта шахсони воқеӣ аз Тоҷикистон ба Русия 105 млн доллар пул фиристода, маблағи як интиқол 368 долларро ташкил додааст.
Маблағи зиёдтарро аз Тоҷикистон шахсони воқеӣ аз Русия танҳо ба Швейтсария (ҳудуди $5,9 млрд) ва Ӯзбекистон ($4,7 млрд) интиқол додаанд.
Қобили зикр аст, ки ҳаҷми интиқоли пул аз Русия ба Тоҷикистон тайи се соли охир қариб дар як сатҳ боқӣ мемонад: соли 2018 шахсони воқеӣ 2 млрд 553 млн доллар маблағ фиристодаанд, ки 17 млн доллар зиёдтар нисбат ба соли 2017 мебошад.
Тибқи маълумоти гуногун, айни замон беш аз 1 миллион нафар шаҳрвандони Тоҷикистон дар Русия кору зиндагӣ мекунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
