Дар ҳошияи пандемияи коронавирус, моратория ба хизматрасонии қарзҳои як қатор кишварҳо назди Хазинаи байнулмилалии асъор (ХБА) аз 1-уми май мавриди амал қарор мегирад.
Тавре ВАО хабар медиҳанд, мудири иҷроияи ХБА Кристалина Георгиева ба рӯзноманигорон иттилоъ додааст, ки мораторияҳо ба созишномаҳои қарзии расмии дуҷониба… мавриди таҳия қарор дошта, “интизор дорем, ки он аз 1-уми май амал хоҳад кард”. Ӯ дар ин бора зимни брифинги онлайнии “Шӯрои атлантикӣ” изҳор доштааст .
Қаблан ХБА доир ба тасдиқи таъҷилан сабуксозии сарбории қарзи 25 кишвари камбизоат ва осебпазири узви Хазина, аз ҷумла,Тоҷикистон хабар дода буд.
Зикр гардида буд, ки дар ин қарор пешниҳоди грантҳо ба кишварҳои аз ҳама камбизоат ва бештар осебпазири узви ХБА барои пӯшонидани уҳдадориҳои қарзии онҳо дар назди Хазина пешбинӣ шуда, маблағи умумии он наздики 500 млн долларро ташкил медиҳад.
Сабуксозии сарбории пардохти қарз ба ҷуз Тоҷикистон, ба кишварҳои зерин низ пешниҳод гардида буд: Афғонистон, Бенин, Буркина-Фасо, Гаити, Гамбия, Гвинея, Гвинея-Бисау, Ҷазираҳои Комор, Яман, Ҷумҳурии Демократии Конго, Либерия, Мадагаскар, Малави, Мали, Мозамбик, Непал, Нигер, Руанда, Сан-Томе ва Принсипи, Ҷазираҳои Соломон, Серра-Леоне, Того, Ҷумҳурии Африқои Марказӣ ва Чад.
Қобили зикр аст, ки бақияи қарзи Тоҷикистон ба аввали соли равон андаке бештар аз 30 млн доллар (аз ҳисоби қарзи аз ҷониби Бонки миллӣ ҷалбшуда)-ро ташкил медиҳад.
Ба сурати умум, ҳаҷми қарзи берунаи Тоҷикистон 2 млрд 888,4 млн доллар аст, ки ба 35,8%-и Маҷмӯи маҳсулоти дохилии ҷумҳурӣ баробар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
