Маблағ барои амалисозии Барномаи ҳукумат ва Бонки миллии Тоҷикистон ҷиҳати муқовимат ба таъсири паҳншавии COVID-19 ба бахшҳои иқтисодӣ, молиявӣ ва иҷтимоии ҷумҳурӣ ҷудо карда мешавад. Дар ин бора дар сомонаи Фонди авруосиёии субот ва рушд (ФАСР) хабар дода мешавад.
Шартҳои додани қарз чунин аст: муҳлати қарз – то 20 сол, муҳлати имтиёзнок – то 10 сол, меъёр – 1% солона.
Грант ба кишварҳои иштирокчии Фонд бо сатҳи маҷмӯи даромади миллӣ ба ҳар сари аҳолӣ пасттар аз 4300 доллари ИМА (тибқи маълумоти соли 2018) пешниҳод мегардад.
Мувофиқи ин нишондиҳанда Қирғизистон, Тоҷикистон ва Арманистон грант дастрас карда метавонанд.
Гуфта мешавад, бо назардошти ба вуҷуд омадани мушкилиҳо дар иҷрои буҷет ва тавозунҳои пардохти кишварҳо, маблағгузорӣ аз ҷониби ФАСР барои дастгирии нигаҳдории суботи молиявӣ ва имконоти ин давлатҳо дар иҷрои уҳдадориҳои муҳим нақши назаррас хоҳад дошт.
Қарзгирандаи асосӣ аз ФАСР Беларус мебошад, ки ба ин кишвар баҳри дастгирии буҷет ба маблағи умумии 5 млрд доллар 2 қарз ҷудо шудааст.
Ғайр аз ин, Тоҷикистону Қирғизистон ва Арманистон низ ба сифати қарзҳои сармоягузорӣ ва молиявӣ аз ин Фонд кумаки молиявӣ мегиранд.
Фонди авруосиёии субот ва рушд механизми молиявии минтақавиест, ки соли 2009 аз ҷониби Арманистон, Беларус, Қазоқистон, Қирғизистон, Русия ва Тоҷикистон таъсис дода шуд. Фаъолияти Фонд ба бартараф кардани оқибатҳои манфии буҳрон, таъмини суботи дарозмуҳлат ва мусоидат ба ҳамгиройии иқтисодҳои кишварҳои узви Фонд нигаронида шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
