Президенти Тоҷикистон Эмомалӣ Раҳмон дар робита ба ҳодисаи таркиш дар бандари шаҳри Бейрути Ҷумҳурии Лубнон, ки ба ҳалокату даҳҳо касу осеби ҳазорон нафар боис гардид, ба президенти ин кишвар Мишел Аун барқияи тасаллият ирсол намуд.
Бино ба иттилои хадамоти матбуоти сарвари давлат, дар барқия Эмомалӣ Раҳмон қайд мешавад, ки “хабари ба амал омадани таркиш дар бандари шаҳри Бейрути Ҷумҳурии Лубнон, ки муҷиби ба ҳалокат расидани теъдоди зиёди шаҳрвандон, осеб дидани ҳазорҳо нафар ва хисороти бузурги моддӣ гардид, боиси ҳузну андӯҳи амиқи мо гашт”.
“Аз номи худ ва мардуми Тоҷикистон ҳамдардии амиқро ба Шумо ва тамоми сокинони кишвари дӯсти Лубнон изҳор намуда, ба наздикони қурбоншудагон сабри ҷамил ва ба зарардидагон шифои комил хоҳонам”, – изҳори ҳамдардӣ шудааст дар барқияи сарвари давлати Тоҷикистон.
Ёдрас мекунем, ки дар пойтахти Лубнон – шаҳри Бейрут рӯзи 4 август дар мавзеи бандар ҳазорҳо тонна селитраи аммиакӣ таркид. Шумори ҳалокшудагон бар асари ин таркиш аз 70 то 100 нафар ва теъдоди осебдидагон наздики 4 ҳазор нафар арзёбӣ мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
