Раёсати Вазорати корҳои дохилӣ дар Хатлон бахшида ба Рӯзи Президент раҳпаймойӣ ташкил кардаст. Хабарнигори "Азия-Плюс" аз Бохтар хабар медиҳад, ки кормандони мақомоти миллиса ва гурӯҳи ҷавонон роҳпаймоиро аз кӯчаи Норинов шуруъ карда то назди муҷасамаи Исмоили Сомонӣ идома доданд.
Дар масири ин роҳпаймоӣ мошинҳои хидматии миллиса, ки дар шишаҳояшон расмҳои Эмомалӣ Раҳмон насб шуда буд щаракат кардаанд.
Дар Тоҷикистон сар аз соли 2016 Рӯзи Президенти Тоҷикистон ҷашн гирифта мешавад. Маҷлиси намояндагони Маҷлиси Олии Ҷумҳурии Тоҷикистон 15 апрели соли 2016 ба қонуни ҶТ "Дар бораи рӯзҳои ид" илова намудани таҷлили Рӯзи Президенти Ҷумҳурии Тоҷикистонро баррасӣ кард ва ин Маҷлис 16-уми ноябро ҳамчун Рӯзи Президенти Тоҷикистон таъин намуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
