Шумори умумии сироятёфтагон аз коронавирус дар Тоҷикистон то субҳи рӯзи 23 ноябр 11 ҳазору 894 нафарро ташкил медиҳад.
Тавре Вазорати тандурустӣ ва ҳифзи иҷтимоии аҳолии ҷумҳурӣ хабар медиҳад, шабонарӯзи ахир дар Тоҷикистон 40 ҳодисаи нави сироятёбӣ аз бемории COVID-19 ошкор шудааст.
Гуфта мешавад, ҳодисаҳои фавт аз ин беморӣ ба қайд гирифта нашуда, теъдоди фавтидагон аз коронавирус аз оғози пандемия 86 нафар боқӣ монд.
Ба иттилои манбаъ,шумори шифоёфтагон 42 кас афзуда, акнун теъдоди умумии онҳо 11 ҳазору 271 нафар ё худ 94,7%-ро ташкил медиҳад.
Дар Русия теъдоди умумии фавтидагон аз коронавирус ба зиёда аз 36 ҳазор нафар расид. Аз оғози пандемия дар Русия ҳамагӣ дар беш аз 2 млн нафар бемории COVID-19 ошкор шуда, 1,5 млн нафар аз ин беморӣ шифо ёфтанд ва боз 478 ҳазору 806 нафар беморон зери муоинаи табибон қарор доранд.
Давоми ҳафтаи сипаришуда дар Аврупо ҳудуди 1,5 млн нафар сироятёфтагон ва зиёда аз 42,5 ҳазор ҳодисаҳои фавт аз он сабт шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
