Дар Тоҷикистон сохтори нав – Агентии инноватсия ва технологияҳои нави Ҷумҳурии Тоҷикистон таъсис меёбад. Инро Эмомалӣ Раҳмон, имрӯз, ҳангоми ироаи паём ба Маҷлиси Олӣ пешниҳод кард ва дастур дод, ки сохторҳои марбут чораандешӣ кунанд.
Эмомалӣ Раҳмон ташкили ин сохтори навро барои роҳандозии иқтисодӣ рақамӣ ва ҳукумати электронӣ зарур шуморид, ки ба иқрори эшон, Тоҷикстон дар ин росто хеле ақиб мондааст.
"Бо мақсади таҳкими асосҳои институтсионалии иқтисоди рақамӣ, рушди инфрасохтори иттилоотиву коммуникатсионӣ дар тамоми қаламрави кишвар, рақамикунонии соҳаҳои иқтисоди миллӣ ва вусъатбахшии раванди амалӣ намудани “ҳукумати электронӣ” ба Ҳукумати мамлакат ва сохтору мақомоти дахлдор супориш дода мешавад, ки доир ба таъсис додани Агентии инноватсия ва технологияҳои рақамии назди Президенти Тоҷикистон чораҷӯӣ намоянд".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
