Маркази пажӯҳиши фасод ва ҷиноятҳои созмонёфта (OCCRP) рӯйхати чеҳраҳои сиёсии оламро, ки дар фасод аз ҳама бештар даст доранд, барои соли 2021 эълон кард. Дар ин рӯйхат Александ Лукашенко ҳамчун чеҳраи соли фасод ва ҷиноятҳои созмонёфта ба унвони фосидтарин шахс эълон шудааст.
Раисҷумҳури пешини фирории Афғонситон Ашраф Ғанӣ баъд аз Лукашенко дар шумори финолистҳои ин рӯйхат аст. Дар ин гузориш гуфта мешавад, ки Ашраф Ғанӣ комилан шоистаи ин ҷоиза аст, зеро ҳам дар фасод ва ҳам дар бекифоятии комил саҳм дошт, ки мардуми худро тарк кард ва дар бадбахтиву марг гузошт.
Лукашнеко ба унвони фосидтарин чеҳраи соли 2021 ҷоизаи OCCRP-ро ба он хотир бурдааст, ки аз назари муаллифони ин таҳқиқ дар давоми солҳои ҳукумати наздик ба 30-солааш маблағҳои давлатиро ба сарватмандон ва наздикону хонаводааш равона кардааст. Ҳамчунин барои эҷоди буҳронҳои марзӣ бо Иттиҳоди Аврупо, паҳну нашри хабарҳои бардуруӯғ ва доруҳои қалбакӣ дар мавриди коронавирус ва корҳои дигар низ ин унвонро гирифтааст.
Дар баробари Ашрафғанӣ Башшор Асад, раисҷумҳури диктотури Сурия, Раҷаб Тайиб Ардуғон раисҷумҳури пурсарусадои Туркия ва Себастияш Курз, садри аъзами Утриш (Австрия) низ аз ҷумлаи барандаҳои ҷоизаи "Чеҳраи сол"-и фасод ва ҷиноятҳои созмонёфта эълон шудаанд.
Дар ин гузориш гуфта мешавад, ки шаш рӯзноманигори таҳқиқгар дар мавриди фасод ин чеҳраҳо таҳқиқ гузаронида ва дар натиҷаи он ба ин тасмим расидаанд.
Муаллифони ин таҳқиқот Башшор Асадро бо вориди ҷангҳо кардани Сурия ва бо баҳонаи ҷанг дузддани садҳо миллион доллар муттаҳам кардаанд.
Ардуғонро барои он вориди барандагони ин ҷоиза кардаанд, ки бо истифода аз бонкҳои давлатӣ пулҳои Чинро ба хотири хариди нафти Эрон пулшӯйӣ кардааст. Садри Аъзами Утриш барои он вориди ин рӯйхат шудааст, ки аъзои ҳизбаш бо тоҷирони русӣ қардодҳои маҳрамонае ба имзо расонидаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
